AsanteSanaKila mgeni anapata kadi yenye jina lake na QR yake pekee. Unatuma kwa WhatsApp au SMS, unapanga meza, na siku ya tukio unascan mlangoni — skrini ya ukumbi ikimwita kila anayeingia kwa jina lake na kumwonyesha meza yake. Ni tukio lako, si template ya mtu.
Hakuna kadi ya benki, hakuna ada ya mwezi. Unalipa pale unapokuwa tayari kutuma zaidi ya kadi 10 za bure.
10
Kadi za kwanza bure kwa kila tukio
WhatsApp + SMS
Kila mgeni anafikiwa, awe na WhatsApp au la
QR
Mlango bila orodha ya karatasi wala mabishano
Tiketi
Kuuza kwa umma na kuhesabu langoni
Mfumo ni mmoja, lakini kila aina ya tukio inafunguka kwa namna yake — vitufe, kadi na skrini vinabadilika kulingana na unachoandaa.
Kadi ya kila mgeni, meza na viti, RSVP, kumbusho na skrini inayomkaribisha kila anayefika. Siku ikiisha, kadi ile ile inageuka shukrani.
Hakuna orodha ya majina — mtu anafungua kiungo na kujiandikisha mwenyewe. Ndani mna mpangilio wa ibada, matangazo, ushuhuda, matangazo ya moja kwa moja na mifuko ya sadaka.
Weka aina za tiketi na bei zake, sambaza kiungo kimoja, na uuze kwa mtu yeyote — bila akaunti wala app. Kila tiketi ina QR yake na inahesabika langoni.
Kadi ya mchango yenye lengo na tarehe ya mwisho, malipo kwa simu, na hesabu inayojiendesha. Unaona nani ameahidi, nani ametoa na nani amebakiza.
Kuanzia kadi ya kwanza hadi mgeni wa mwisho anayeingia mlangoni.
Miundo zaidi ya thelathini — harusi, Eid, ibada, gala, tamasha. Rangi, herufi, picha na mapambo unabadilisha mwenyewe, na kila mgeni anapata kadi yenye jina lake.
Tuma kwa wote kwa mkupuo mmoja. Asiye na WhatsApp anapata SMS — hakuna anayeachwa.
Ona anayekuja, asiyekuja, na ambaye bado hajajibu. Pakua orodha kwa Excel au CSV.
Tengeneza ukumbi kwa mpangilio — mbele, nyuma, VIP, VVIP — kisha upange wageni kiotomatiki kwa makundi.
Mgeni akiscan, skrini inamwita kwa jina na kumwonyesha meza yake mbele ya wote.
Kadi ya mchango yenye lengo, tarehe ya mwisho na malipo ya ClickPesa moja kwa moja.
Msaidizi wako anascan kwa simu. Kadi moja inaweza kubeba familia nzima, na wanaweza kufika kwa nyakati tofauti.
Asubuhi baada ya tukio, kadi ile ile aliyonayo mgeni inageuka shukrani ya tukio lako — rangi zako, maneno yako. Hakuna kutuma kadi ya pili.
Wageni wanaandikiana pongezi, wanajibiana na kuweka hisia. Kila kilichoandikwa kinazunguka kwenye skrini ya ukumbi kati ya makaribisho.
MC, picha, chakula, mapambo, keki — nembo zao kwenye kadi na kwenye skrini. Mgeni akibofya anaona maelezo yao na namba.
Mgeni anasimama mbele ya kioo, maneno yanabaki hewani kumzunguka, na anapiga picha ya kumbukumbu.
Kila muamala unapata risiti unayoweza kuituma WhatsApp — bila mtu kuingia kwenye akaunti yoyote.
Tukio la kwanza linaweza kuwa tayari ndani ya dakika chache.
Jina, tarehe na ukumbi. Kisha uchague muundo wa kadi.
Andika majina, au bandika orodha nzima kwa mkupuo.
Chagua mpangilio wa ukumbi, kisha bonyeza panga kiotomatiki.
Tuma kwa WhatsApp na SMS, kisha scan mlangoni siku ya tukio.
Hakuna ada ya mwezi, hakuna mkataba, hakuna kifurushi cha kukulazimisha kulipia usichohitaji. Unalipia kadi ulizotuma, ujumbe uliotuma, na vifaa ulivyoomba — hivyo tu. Kadi 10 za kwanza ni bure kwenye kila tukio, ili uone mtiririko mzima kabla hujalipa chochote.
KADI YA MGENI
TZS 2,500/kadi
Kadi 1–150 — bei inashuka wageni wanapoongezeka, na daraja unalofikia unabaki nalo.
KADI YA MGENI
TZS 2,500/kadi
Kadi 151–500
KADI YA MGENI
TZS 2,500/kadi
Kadi 501+
SMS
TZS 60/ujumbe
Unanunua salio na kutuma unapohitaji. Gharama inaonyeshwa kabla ya kutuma, si baada.
TZS 40/ujumbe
Au tuma bure wewe mwenyewe kwa kitufe cha WhatsApp kwa kila mgeni.
MSAIDIZI WA KU-SCAN
TZS 15,000/akaunti
Akaunti mbili za kwanza ni bure. Kila msaidizi anascan kwa simu yake mwenyewe.
VIFAA NA HOLOBOX
Kwa nukuu
Holobox, skrini, scanner na wasaidizi wetu — unachagua unachotaka na unapata bei papo hapo kabla hujakubali.
MICHANGO
Bure kuanzisha
Wageni wanachangia kwa simu, na unatoa pesa kwenda namba yako. Makato ya mtoa huduma pekee.
Kila malipo yanapata risiti unayoweza kuituma. Ukiongeza wageni baadaye, unalipia walioongezeka pekee — si kuanza upya.
Kama unaandaa matukio ya wateja, au unaunganisha waandaaji na sisi, unapata sehemu yako kwa kila tukio — na unaitoa wakati wowote, si mwisho wa mwezi.
20%
Business Organiser
Unaandaa matukio ya wateja kwa jina lako. Kila tukio unaloleta linakupa asilimia yako, na una dashboard yako inayoonyesha kila senti — tukio kwa tukio.
30%
Sales & Marketing Partner
Unaunganisha waandaaji nasi. Unapata asilimia yako kutoka kwa kila mmoja wao — wawe waandaaji wa biashara au wa kawaida — kwa kadri wanavyoendelea kufanya matukio, si mara moja tu.
Papo hapo
Kutoa fedha
Unaomba, unathibitisha namba yako, pesa inakwenda. Hakuna kusubiri mwisho wa mwezi na hakuna kiwango cha chini cha kufikia kwanza.
Kila mshirika ana namba yake ya kipekee ya kujiunga, orodha ya walio chini yake, na ripoti ya wiki, mwezi na mwaka. Mtu mmoja anaweza kuwa vyote viwili. Soma zaidi kuhusu ushirika.
Je, mgeni anahitaji kupakua app?
Hapana. Mgeni anafungua kiungo alichotumiwa kwa WhatsApp au SMS, na kadi inafunguka kwenye kivinjari cha simu yake. QR yake ipo pale pale kwa ajili ya mlangoni.
Vipi kama mgeni hana WhatsApp?
Anapata ujumbe wake kwa SMS. Kwa kila kundi tunakuonyesha ni wangapi wana namba ya simu kabla hujatuma, ili usibaki na mtu ambaye hakufikiwa.
Kadi moja inaweza kubeba watu wangapi?
Unaamua mwenyewe — mtu mmoja hadi sita kwa kadi. Mlangoni tunahesabu wanaoingia, kwa hiyo familia inayofika kwa nyakati tofauti inaingia bila ubishi.
Nani anafanya kazi ya kuscan siku ya tukio?
Unaweza kutengeneza akaunti za wasaidizi wako mwenyewe — wanaona skrini ya kuscan pekee, si orodha ya wageni wala malipo. Ukipenda, tunaweza kukuletea wasaidizi wetu kwa gharama ya ziada.
Nikifuta mgeni, nimepoteza pesa yangu?
Hapana. Kadi uliyolipia inabaki kama salio kwenye tukio lako, na unaweza kumpa mtu mwingine bila kulipa tena.
Je, ni harusi tu?
Hapana. Sendoff, kitchen party, mahafali, kumbukumbu, Eid, ibada, makongamano, matamasha ya tiketi na matukio ya kampuni — kila aina ina miundo yake ya kadi na vitufe vyake.
Ninauzaje tiketi za tamasha langu?
Unaweka aina za tiketi na bei zake, kisha unasambaza kiungo kimoja cha mauzo. Mnunuzi hahitaji akaunti wala app — analipa kwa simu, na tiketi yenye QR yake inamfikia. Langoni unascan, na tiketi iliyotumika haipiti mara ya pili. Fedha zinaingia kwenye salio lako, unatoa wakati wowote.
Kanisa au kongamano hufanyaje bila orodha ya majina?
Kiungo ni kimoja kwa wote. Anayefungua anajiandikisha mwenyewe kwa jina lake, na ndani anaona mpangilio wa ibada, matangazo, ushuhuda na mifuko ya sadaka. Tukio linalipiwa mara moja badala ya kwa kila kadi.
Naweza kulipa kwa cash?
Ndiyo. Mkikubaliana bei, msimamizi anaisajili kwenye mfumo na huduma inafunguka — kadi, salio la ujumbe au vifaa. Malipo ya cash yanaonekana kwenye ripoti zako kama cash, si kama pesa iliyopita mtandaoni.
Malipo yanafanyikaje?
Kupitia ClickPesa — M-Pesa, Tigo Pesa, Airtel Money, Halopesa na kadi. Kadi zinafunguka zenyewe mara malipo yanapothibitishwa; si lazima uburudishe ukurasa.
Tengeneza tukio, jitumie kadi yako mwenyewe, na uijaribu mlangoni kabla ya kulipa chochote.
Fungua akaunti bure